Шәһри Казан / Шахри Казан

- Бездәге хәлләрне белсәң, ахирәткәем, прәме “Санта- Барбара”, түлке татарчалы-русчалысы. Ата улны, ана кызны белми торган ахырзаман галәмәтедер инде. Безнең цех башлыгы Светлана Игоревнаны егерме өч ел бергә торган ире Марат Марсович ташлап чыгып китте бит. Син бу парны яхшы хәтерлисеңдер, былтыр шифаханәдә бергә ял иттек. Алар безнең этажда, күршедәге люкс номерда торды. Светлана синең шигырь китабыңны тәкъдим итү кичәсендә катнашты. ”Не отрекаются любя”ны сөйләп, романс җырлап, залны елаткан таза гәүдәле, зур күзле, ак йөзле чибәр ханымны онытмагансыңдыр шәт. Ире белән парлап фокстрот биеп, дискотекада төп призны алулары исеңдәдер, бәлки?

- Хәтерлим, әлбәттә. Бик матур, бер-берсенә туры килгән, тату пар кебек тоелганнар иде. Араларыннан нинди кара мәче узды икән соң, Ходаем? Нәрсә өчен талашканнар? Марат кая киткән? Анасы янына авылга кайтып шылганмы? Күрерсең дә торырсың, бераз суынгач, хатынын сагынып кайтып җитәр әле. Света бик күркәм холыклы хатын бит. Гафу итәр.

- Света аны үлгәндә дә гафу итмәячәк! Иренең гаебе кичерерлек кенә түгел шул! Минем ирем шулай кыланса, билләһи икесен бергә бәреп үтерер идем...
Укырга:
Анасының гомер иткән ирен кызы тартып алды...

Казанның Мәрҗани мәчетендә узган гает намазыннан.

Мәскәү өлкәсендә кар яуган, диләр әле. Әйтәм аны суытты...

Иң кирәк вакытта дөрес киңәш аласыгыз килсә, шушы каналга язылып куегыз! ✨
Бу канал - чын тормыш истәлекләре, кеше язмышлары һәм гыйбрәтле хәлләр җыентыгы.
«Нишлим икән?»
төркеме сорауларны максималь тизлек белән чыгаруы һәм 100% аноним булуы белән аерылып тора
КУШЫЛЫГЫЗ
⤵️
https://max.ru/join/wp7fG8v5m38Y-ryWVKQAHY5lljc-IHoCrvV-KLUZ4S4

Бүген Мәрҗани мәчетендә гаеткә ямь өстәп кыйммәтле музей ядкаре - шушы мәчеттә хезмәт иткән бөек татар дин галиме Шиһабетдин Мәрҗанинең хөтбә таягы торды.
Аны мәчеткә вакытлыча - Мөфти гает көнендә бәйрәм вәгазен укысын өчен, ТР Милли музее китерде. Вәгазь башланыр алдыннан экспонатны Камил хәзрәтнең кулына музейның Генераль директоры Айрат Фәйзрахманов Рәис һәм мәхәллә халкы каршысында тапшырды.

ТР Милли музее һәм "Мәрҗани" мәчете арасындагы мондый хезмәттәшлек - беренче түгел. Тәүге тапкыр Мәрҗанинең хөтбә таягы мәчеткә 2025 елда Ураза гаете уңаеннан кайтарылган иде. Вакытлыча гына бирелсә дә, әлеге бүләк дин кардәшләрнең игътибарын күренекле дин галименең зур мирасына игътибар юнәлтергә мөмкинлек бирде.

Имам Мәрҗанинең вәгазь алып бару өчен озынча таягы агачтан башын түгәрәкләп һәм астын тимер белән каплап ясалган. Аны Ш.Мәрҗанинең оныгы – Зәйнәп Абдулла кызы Апанаева саклаган һәм 1945 елда музейга тапшырган.